Ef sameiningin er samþykkt skipa sveitarstjórnir hlutaðeigandi sveitarfélaga sérstaka stjórn sem hefur það hlutverk að undirbúa stofnun nýs sveitarfélags. Hver sveitarstjórn skipar þrjá fulltrúa í stjórnina. Hlutverk stjórnarinnar er að semja samþykkt um stjórn og fundarsköp hinnar nýju sveitarstjórnar sem gilda mun fyrir hið nýja sveitarfélag þar til því hefur verið sett sérstök samþykkt. Stjórnin tekur einnig ákvarðanir um fjárhagsmálefni hins nýja sveitarfélags, tekur saman yfirlit yfir allar samþykktir og reglugerðir sem gilda í þeim sveitarfélögum sem sameinuð hafa verið og skal hefja vinnu við endurskoðun þeirra og samræmingu.
Já, niðurstaða kosninga um sameiningu er bindandi fyrir hlutaðeigandi sveitarstjórnir.
Já. Skipaðir verða starfshópar sem í sitja fulltrúar sveitarfélaganna tveggja. Hver hópur fjallar um afmarkaða þætti starfseminnar s.s. stjórnsýslu og fjármál. Síðar í ferlinu verða haldnir opnir íbúafundir þar sem niðurstöður starfshópanna verða kynntar og íbúar geta komið sjónarmiðum sínum, athugasemdum og hugmyndum á framfæri.
Þorrablótin eru ekki haldin á vegum sveitarfélaganna. Sameining sveitarfélaganna hefur því ekki bein áhrif á það hvort þau verða haldin áfram á hverjum stað fyrir sig.
Sveitarfélögin hafa ekki áhrif á það hvort sjálfstæð og frjáls félög sameinast, hvort sem það eru íþróttafélögin, björgunarsveitir eða önnur félög.
Það verður ákveðið ef sameining verður samþykkt. Algengt verklag er að kalla eftir tillögum að nöfnum, eiga samráð við Örnefnanefnd og leggja því næst tillögur til atkvæðagreiðslu meðal íbúa.
Hveru hátt er framlag frá ríkinu vegna sameiningar?
Jöfnunarsjóður sveitarfélaga greiðir líklega um 700 milljónir í sameiningarframlög til sameinaðs sveitarfélags.
Þetta er ein af þeim spurningum sem samstarfsnefnd er að vinna í að svara í samstarfi við starfshópa og íbúa.
Reynsla annara sveitarfélaga er að ekki þurfi að fækka starfsfólki, frekar að þeim fjölgi í það minnsta tímabundið meðan breytingarnar ganga í gegn.
Lagt er upp með að skólar og leikskólar starfi áfram á þeim stöðum þar sem þeir eru nú. Samrekstur skóla og leikskóla t.d. þar sem þeir eru undir sama þaki er viðfangsefni sem sífellt er til skoðunar, en ákvarðanir teknar með hagsmuna barnanna í fyrirrúmi.
Sveitarfélögin hafa lengi barist fyrir samgöngubótum og orðið ágengt með mörg verkefni. Reynslan hefur sýnt að stærri og sameinuð sveitarfélög hafa átt auðveldar með að koma sínum hagsmunamálum á dagskrá, og fylgja þeim eftir við Alþingi og ríkisstjórn.
Ef sameiningin verður samþykkt tekur hún gildi í kjölfar sveitarstjórnarkosninga sem haldnar verða í maí 2024. Gildistakan yrði í maí eða júní þegar ný sveitarstjórn tekur við stjórnartaumunum.
Verkefni sveitarfélaga eru mjög fjölbreytt, en helstu verkefni eru fræðslumál, félagsþjónusta og skipulagsmál. Hér má nálgast yfirlit yfir lögmælt verkefni sveitarfélaga.